![](https://blogger.googleusercontent.com/img/b/R29vZ2xl/AVvXsEjALxKTGgnvptME-EvLB6QclLDvqOcLl-s3ictELV7ub0yeR_T0WXa-Ps5RzliRYmDv-OrORetV0gcDOEjYj1iGraNHQdKpqtli14_Ik8GbO5fylgJlbAWeK2V_C_5SpH28hQQs/s200/korrika1.jpg)
Tamén acababa de pasar por Lizarra a Korrika. Trátase dunha marcha en defensa do euskera que se realiza bianualmente por toda Euskal Herría por iniciativa das euskalteguis (academias de euskera).
O percorrido varía en cada edición, pero soe andar por 2.300 Km, e percórrese en dúas semanas, de xeito continuado, sen parar nin de noite. Unha testemuña artesanal que se conserva desde a primeira edición, en 1980, vai pasando de man en man e para levalo cómpre comprar previamente os quilómetros. O prezo varía moito dunhas zonas a outras, pero por algunhas etapas páganse cifras elevadas. Acompañando a quen encabeza a marcha coa testemuña corren todos os acompañantes que o desexen.
Paralelamente, organízanse distintos actos culturais (Korrika kulturala)ó longo de todo o traxecto, desde varios meses antes.
Estes días botou a andar por Galicia adiante o Correlingua. Ando buscando semellanzas e véñenseme á cabeza parrulos á deriva.
Ningún comentario:
Publicar un comentario