No curso 25-26 encargueime da redacción do PLEA (PLan de lectura, escritura e acceso á información) no instituto en que traballo. Para ese labor contamos co asesoramento dun coordinador que nos deu, entre outras, instrucións para a redacción dos obxectivos.
Indicábase que debían ser breves, concisos, claros, medibles, realistas e que “deben deixar clara a acción a realizar e a finalidade”. Canto ó uso dos verbos indícase que se deben empregar verbos que “reflictan discriminación, acción medible ou cuantificable (podemos recoller exemplos da Taxonomía de Bloom)” e que cómpre evitar verbos que non permiten a medición. E indícanse como exemplos os verbos “promover”, “concienciar”, “animar” e “fomentar”.
 |
| Fragmento das instrucións para a redacción do PLEA |
Se
cadra non estaba mal que por aí arriba aplicasen o que se nos pide ós de por
aquí abaixo, porque non me parece que se poida elaborar un documento útil con verbos inútiles.
