A madrugada
[...]
Ela tumbouse ó meu carón
coas confianzas que dá a madrugada,
e entablou conversa sen vir a conto.
Faloume
de todos os tíos que lle entraran naquela noite
dos tíos que non lle entraran e tampouco lle interesaban
[...]
Faloume
tamén dun tío que sempre parecía estar a punto
de dicirlle algo interesante
e sempre lle acababa falando
daquelas poetas portuguesas
ANTÓN LOPO: Fálame, Sociedade de Cultura Valle Inclán, 2003
... sempre lle acababa falando daquelas poetas portuguesas. Poetas portuguesas... Hoxe é 31 de outubro, así que é o día propio para este videopoema de Matilde Campilho, unha poeta portuguesa que entrou nos últimos meses coma un meteorito nas letras de Portugal e do Brasil co seu primeiro libro: Jóquei.
![31 de outubro](https://blogger.googleusercontent.com/img/b/R29vZ2xl/AVvXsEgMqLrNs46xFW6btUWyf4SY131exbbzt_nFWYSnAvuAVC67LuIEAGtS8EuVeZq0y_JJJRW1swz6W4xomEIhuRavCs4J1C0mQ5-BKSgkPpKx9lwAHmw2Zyip2w27Sv1pA-YlIlvM/s1600/31+outubro.jpg)
Unha entrevista onde ela mesma fala da súa obra:
![Matilde Campilho](https://blogger.googleusercontent.com/img/b/R29vZ2xl/AVvXsEjPuOVW8IjOvzxCXOIUKwkwCrVmC3D3H08AEr0dnDwf3lrGXOV9aDNb9h6mVIMtwcsQnhQdEsCFoX1gOYVWE_TraCmuZR66xl6RH8gj3skuR5jDf7ZKf15FbrerSAzCWHSL7-3P/s1600/Matilde+Campilho.jpg)
Outra máis, menos formal pero creo que máis clarificadora, máis transparente.
Alén das imaxes, a audición dos seus videopoemas -por exemplo, Día dez- tráeme á cabeza o marabilloso Berlín de María Lado, con Fanny + Alexander, ou a M. Rivas recitando os poemas de Ningún cisne no CD de O pobo da noite.
Dan ganas de dicir:
Alén das imaxes, a audición dos seus videopoemas -por exemplo, Día dez- tráeme á cabeza o marabilloso Berlín de María Lado, con Fanny + Alexander, ou a M. Rivas recitando os poemas de Ningún cisne no CD de O pobo da noite.
Dan ganas de dicir:
- Sigue falando. Non importa o que digas, pero non cales.Pásame ás veces que uns textos tiran por outros coma cereixas saíndo dun cesto.