O DOCUMENTO
- Es que esto está en gallego y usted no puede hacer estas cosas en gallego porque si las hace en gallego yo no las entiendo.
Esa foi a explicación que un Garda Civil andaluz lle deu a un rapazoulo novo que soñaba con ser director de cine cando lle preguntou polo motivo da súa detención, trala proxección en Ourense da curta “O documento”.
Era o verán do 74. Armado con medios rudimentarios, 10.000 pesetas e moitísima ilusión, aparece por Ribadeo un mozo duns 20 anos e proponse levar ó cine unha historia de Ánxel Fole.
Como actores non había e cartos para contratalos tampouco, aquel aprendiz de director pillou media ducia de veciños que nunca viran unha cámara diante, uns cantos vellos do asilo ós que subornou con tabaco e levounos a un prado de Ove. Subiu un mozo a un freixo e sacou adiante a rodaxe.
Creo que o resultado non se podía ver nin en Flocos.tv, ese magnífico proxecto de Manolo González, que xa non existe porque seica é menos prioritario para a nosa cultura ca facerse cargo sen obriga da seguridade dos bens da familia Franco, por exemplo, que cartos hai poucos e cómpre gastalos con sentidiño.
Pero os que andamos pola beiramar cantábrica puidemos asistir á proxección de O documento hai uns días, dentro das xornadas de historia local que cada ano organiza Dores Fernández Abel, da agrupación Francisco Lanza.
--------------------------
ENGADIDO: Xa se pode ver aquí "O documento".
2 comentarios:
Pois coidadiño que me parece a min que non andamos tan lonxe de que nos volva pasar o mesmo... Hai que pararlles os pés ós sabuxos de Meirás.
En realidade a Xunta esta na obriga de facerse cargo dos BIC se os donos non o fan ou de asegurar que ditos donos cumpran coas obrigas que a posesion dun BIC conleva. Andan a metelo pezuño no de Meiras pero non son capaz de solucionar outros problemas patrimoniais como o de torres que caen a cachiños GRRRRRRR
Publicar un comentario