 |
| Poetas e músicos en Mondoñedo |
O toupo fuza pouco porque o tempo escasea, pero o mundo segue dando voltas e, aínda que sorprenda, hai veces que vira como debe.
En Mondoñedo agroman voces do pasado que din, con sobrada autoridade, que a literatura ten que ter vida prioritaria, que ten que medrar a semente que eles espallaron. Non vaia ser que alguén tome en serio o verso de Cordal:
"Non cres que este val daba un bon encoro?"
[...]
o cabelo dos anxos
daba volta baixo as augas
sobre a roda sen nome de santa catarina
Pero imos librando e seguro que Leiras, Noriega, Cunqueiro e toda a tribo de poetas que alí houbo aplaudiron a presenza na vella cidade do norte, hai cousa dun mes, de Miguel Anxo Fernán Vello, Olga Novo e Xuán Bello. Se lle engadimos a música de Gelría e os versos de xente nova que aviva o lume, xa non hai máis que pedir.
 |
| Miguel Anxo Fernán-Vello |
 |
| Xuán Bello |
En Mondoñedo, unha vez máis, houbo tesouros Novo(s) e V(B)ellos.
Que Cunqueiro me perdoe o destrozo do seu título.
Ningún comentario:
Publicar un comentario